कापीबाट सुरु भएको कथा

सजिलो खेती एउटा साँच्चिकैको नर्सरीबाट जन्मियो। काभ्रेमा फलफूलका बिरुवा बेच्ने एक व्यवसायीको सबै हिसाब कापीमा थियो। कसले कति तिर्न बाँकी छ भन्ने बिर्सिने, कोटेशन हातले लेख्ने, स्टक अन्दाजमा भन्ने।

हामीले सोच्यौं: ठूला कम्पनीका लागि जस्तो जटिल सफ्टवेयर होइन, किसान र साना व्यवसायीले आफैं चलाउन सक्ने, नेपालीमै बोल्ने, कापीजस्तै सजिलो एप चाहिन्छ।

त्यही एप यो हो। पहिलो प्रयोगकर्ता? उही नर्सरी।